BBBz – štó smy?
“Bürger Bündnis Bautzen” (BBBz) je bjezideologiske, njewotwisne zjednoćenstwo wobydlerjow z Budyšina na komunalnej runinje. Čłonojo BBBz přińdu z mnohotnosće połowanjow a wobłukow dźěławosće. Někotři z našich čłonow su swobodnje skutkowacy, druzy samostatni předewzaćeljo, zaso druzy přistajeni. Smy wobydlerjo za wobydlerjow.
Naš wólbny program njeje wot stronskich zajimow abo ideologijow charakterizowany, ale wot potrjebow, naležnosćow a wizijow ludźi, kotřiž w Budyšinje bydla. Tohodla zasadźimy so za transparencu, wobdźělenje wobydlerjow a konkretne naprawy, zo bychmy kwalitu žiwjenja w Budyšinje stopnjowali.
Naše towarstwo wobsteji z wobydlerjow rozdźělneho politiskeho a towaršnostneho nahlada. Nas zwjazuje lubosć k našemu domjacemu městu a regionej. Stejimy wosrjedź towaršnosće.
Chcemy, zo so Budyšin – město, w kotrymž smy žiwi – doprědkarsce a pozitiwnje wuwije. Mamy wobšěrnu předstawu wo přichodźe a program za wšitke wobłuki měšćanskeje politiki.
SMY za naše swójby
- žane dalše zwyšenje pěstowarskich popłatkow
- saněrowanje Allendoweje wyšeje šule a twar wjacezaměroweje hale
- powołanske a rjemjeslniske wukubłanje w regionje zaso zakótwić
- podpěra zmysłapołnych zarjadnišćow (na př. Zuseum) a jich dalewuwiće
SMY za sport
- znjesliwe popłatki za wužiwanje sportnišćow w Budyšinje
- sportowe zarjadowanja měli najwyši wuznam za město měć
- podpěra sporta jako wuwěšk města a jako dźěl towaršnosće
- spěchowanje towarstwoweho sporta a -žiwjenja
SMY za zmysłapołne wuwiće města
- wozelenjenje nutřkowneho města a zwyšenje žiwjenskeje kwality
- inteligentne wobchadne systemy za cyłe nutřkowne město a žane bjezzmysłowe, podróšene kružne wobchady
- rozšěrjenje tydźenskich wikow hač na Bohatu hasu k spěchowanju wikowanja
- nowe wuhotowanje Žitnych wikow ze wozelenjenjom a móžnosćemi sedźenja
SMY za kulturu
- sprawne rozdźělenje snadnych financielnych srědkow za kulturne towarstwa, zarjadnišća a swjedźenje
- dalewuwiće Króny přez BWB
- nowostart hwězdarnje z načasnym konceptom
SMY za strukturnu změnu
- elektrifikacija železniskeje čary Drježdźany – Budyšin – Zhorjelc
- šěsćčarowy wutwar A4 mjez Drježdźanami, Budyšinom a Zhorjelcom ze škitom před haru
- nowe přeprěčenje Sprjewje z rozšěrjenjom parkowanišća a wutwarom Hrodoweje wodarnje a namjezneho domu
- natwar železniskeho kompetencneho centruma w juhu města
SMY za spjaty jězor
- dalewuwiće na bliskowočerstwjenišćo z lěpšim přiwjazanjom k městu
- skrućenje derje fungowacych zarjadnišćow na městnje
SMY za hospodarski centrum
- strategiske planowanje za nowe přemysłowe přestrjenje po woli wobydlerjow
- žane dalše zwyšenje přemysłoweho dawka, dochodowa neutralita pola ležownostneho dawka
- wotstronjenje wosebiteho wužiwanskeho popłatka za gastronomiju a wikowanje = wožiwjene nutřkowne město
SMY za turizm
- Budyšin je turistiski magnet we wuchodnej Sakskej přez identifikaciju a wutwar potencialow
- inowatiwne ideje a podpěra gastronomije a wulětnych lokalow
SMY za moderne zarjadnistwo
- skrućenje posłužboweje mysle napřećo wobydlerjej
- konstruktiwno-kritiske pruwowanje wšitkich městnow za sylne a wobydlerjam bliske zarjadnistwo
- dostojny wobchad ze sobudźěłaćerjemi w měšćanskim zarjadnistwje
Chcemy načolnistwo města, kotrež k swojemu słowu steji a plan a zaměr za wuwiće města ma!
SMY za wuwaženy etat
- za přichod wěste financowanje města
- konstruktiwno-kritiske zhladowanje na měšćanske zarjadnistwo we wšěch wobłukach
- zalutowanja přez organizatoriski a moderny přetwar měšćanskeho zarjadnistwa
SMY za zwěrjatownju
- pokročowanje a wutwar zwěrjatownje přez dźěłowe zasadźenja a dary